Две аналитички фирми го припишуваат инцидентот – кој го надминува досегашниот рекорден хакерски напад врз берзата „Бајбит“ во 2025 година, тежок 1,5 милијарди долари – на севернокорејска хакерска група наречена „TraderTraitor“
Најголемата светска берза за криптовалути „Бајнанс“ синоќа потврди дека дигитални средства во вредност од 6,3 милијарди долари се украдени во хакерски напад, објави Би-би-си. Компанијата соопшти оти успеала да замрзне околу половина од таа сума со помош на партнерски платформи и рече дека ќе ги „покрие сите настанати загуби“.
Од „Бајнанс“ велат дека првичните внатрешни проверки покажале дека нападот веројатно потекнува од компромитиран лаптоп што му припаѓал на еден од нејзините инженери, што му овозможило на напаѓачот да изврши неовластено подигање огромни суми пари.
Binance’s initial investigation suggests that the security incident may involve a compromised DevOps engineer’s laptop, which allowed an attacker to gain access to a service container and submit unauthorized withdrawal transactions. We have found no evidence of any wallet private key leak. We will share a detailed technical post-mortem once the investigation is complete and the facts are fully verified. The estimated total impact sits at around $6.3B. We have worked with blockchain partners to freeze affected assets, with ~$3 billion frozen on-chain so far. Binance will cover all losses from the SAFU fund and the company’s funds. User funds are safe. We will also publish an updated Proof of Reserves once the remediation is complete. As an immediate precaution, Binance has: – temporarily suspended deposits and withdrawals while security checks are completed; – revoked the affected address authorisation; – engaged law enforcement and blockchain intelligence partners to trace and recover funds. Our teams are working around the clock to resolve this issue safely and thoroughly. We are working closely with our law enforcement partners to confirm the identity of these criminals and bring them to justice. Please rely only on official Binance channels for updates. Please feel free to contact Binance Customer Support if you have any further questions. https://t.co/ywB2mKFy0p
— Binance (@binance) October 30, 2026
Две аналитички фирми го припишуваат инцидентот – кој го надминува досегашниот рекорден хакерски напад врз берзата „Бајбит“ во 2025 година, тежок 1,5 милијарди долари – на севернокорејска хакерска група наречена „TraderTraitor“.
Компанијата „ТРМ Лабс“, која спроведува истраги со помош на вештачка интелигенција, во својот извештај наведува дека неколку елементи од нападот врз „Бајнанс“ наликуваат на претходни инциденти поврзани со Северна Кореја, вклучително и нападот врз „Бајбит“.
„Ја правиме оваа проценка со високо ниво на доверба“, се вели во извештајот на „ТРМ Лабс“
додавајќи дека голем број елементи од нападот се во согласност со претходните дејствија поврзани со режимот во Пјонгјанг, вклучувајќи го и случајот „Бајбит“.
Главниот аналитичар на „ТРМ Лабс“, Ари Редборд, изјави за Би-би-си дека грабежот бил „пресвртница“ што крипто индустријата никогаш порано не ја видела.
Тој додаде дека напаѓачот сè уште поседува голема количина украдени пари што значи дека потрагата по средствата само што започнува.
Од „Бајнанс“ не одговориле на прашањето на Би-би-си за севернокорејската трага, велејќи само дека „тесно соработува со органите за спроведување на законот за да го потврди идентитетот на криминалците и да ги изведе пред лицето на правдата“.
Како што се додава во написот, нападот бил насочен кон глобалната платформа „Бајнанс“, додека од многу помалата подружница „Бајнанс УС“, која им служи само на корисниците во САД, велат дека нејзиниот систем не е засегнат.
Коосновачот и коизвршен директор на „Бајнанс“, Ји Хе, се огласи на социјалните медиуми за да им се заблагодари на издавачите на криптовалути кои помогнале и замрзнале дел од средствата.
„Безбедноста е на прво место. Исплатите во моментов се суспендирани додека не потврдиме дека целиот систем е целосно безбеден“,
рече таа.
„Бајнанс“ е лансирана во Кина во 2017 година и денес има повеќе од 300 милиони регистрирани корисници ширум светот, иако со години е под строг надзор од страна на финансиските регулатори во голем број земји. Компанијата во 2024 година соопшти дека управува со средства во вредност од над 160 милијарди долари.
Веста за нападот предизвика цената на биткоинот да падне за повеќе од 4 проценти, а другите водечки криптовалути, како што се Етереум и Солана, исто така забележале падови.