ДИК закажа прес-конференција за 21:30 часот на која, како што информира, ќе бидат објавени првичните неофицијални резултати од денешното гласање
Државната изборна комисија (ДИК) почна да објавува резултати од пребројувањето на гласовите на денешните локални избори за нов градоначалник на општина Брвеница.
Според досега објавените информации, од обработени девет од вкупно 24 избирачки места, води кандидатот Стојанчо Радически од коалицијата „Твоја Македонија“ предводена од ВМРО-ДПМНЕ, кој има 1 145 гласа, втор е Јакуп Усеини од Влен со 618 гласа, трет е кандидатот на „Национална алијанса за интеграција“ предводена од ДУИ, Аркин Јахиј со 424 освоени гласа, а следуваат Јовица Радески од коалицијата предводена од СДСМ со 278 и независните кандидати – Душан Богдановски со 17 и Арифе Идризи со три гласа.
ДИК закажа прес-конференција за 21:30 часот на која, како што информира, ќе бидат објавени првичните неофицијални резултати од денешното гласање.
Конечните резултати од изборите ДИК ги објавува во рок од 24 часа од денот на нивната конечност.
Изборите се одржуваат откако на 23 јуни 2026 година на 58-годишна возраст почина дотогашниот прв човек на Општината, Јовица Илиевски.