Според противпожарната служба на Лос Анџелес, хеликоптерот паднал меѓу две комерцијални згради, по што избувнал пожар што зафатил четири возила и два контејнери за складирање
Од полицијата засега не соопштија колку лица се наоѓале во хеликоптерот во моментот на несреќата, а не е објавен ниту идентитетот на загинатите
Три лица загинаа, а две се повредени откако новински хеликоптер се урна во предградие на Лос Анџелес, пренесува Би-би-си.
Во моментот на уривањето, новинарската екипа во хеликоптерот известувала од местото за друга тешка сообраќајна несреќа што претходно се случила во таа област.
Хеликоптерот бил на телевизијата Ен-би-си Лос Анџелес, но работел и за Телемундо 52.
Според противпожарната служба на Лос Анџелес, хеликоптерот паднал меѓу две комерцијални згради, по што избувнал пожар што зафатил четири возила и два контејнери за складирање.
На местото на несреќата биле испратени повеќе од 70 пожарникари.
Од полицијата засега не соопштија колку лица се наоѓале во хеликоптерот во моментот на несреќата, а не е објавен ниту идентитетот на загинатите.
Хеликоптерот бил еден од неколкуте новинарски летала кои известувале за сообраќајна несреќа во Чатсворт.
Истрагата за падот на хеликоптерот ќе ја води Националниот одбор за безбедност во сообраќајот (НТСБ).
BREAKING: TV news helicopter crashes during live shot of bus crash in Los Angeles. The helicopter belongs to NBC Los Angeles (KNBC-TV). No word yet on casualties. https://t.co/kXwgr5meOP
— BNO News (@BNONews) September 16, 2026
За време на известувањето во живо на телевозијата, водителката на вестите Колин Вилијамс потврди дека се урнал хеликоптерот на локалната новинска станица.
„Знаевме дека сме го изгубиле контактот со нашите луѓе таму и штотуку добивме потврда“,
рече таа.
Градоначалничката на Лос Анџелес, Карен Бас на Икс напиша дека е апсолутно скршена од загубата на животи во Чатсворт.
Гувернерот на Калифорнија, Гавин Њусом, пак, вели дека нивните срца се со жртвите и семејствата на катастрофалните несреќи со автобуси и хеликоптери во Чатсворт, но и со целото семејство на Ен-би-си фор.