„Ова е најдобриот пример за сојузничко единство и решителност на дело – испраќање јасна порака дека НАТО останува буден, посветен и подготвен“, вели литванскиот министер за надворешни работи Кестутис Будрис
Борбени авиони на НАТО соборија беспилотно летало над Литванија откако беше издадено предупредување за главниот град Вилнус и околниот регион, пишува „Гардијан“.
Според службите за итни случаи, беспилотното летало во Литванија е соборено во близина на селото Праткунаи, во централно-јужниот дел на земјата, недалеку од градот Каунас. Информациите од литванскиот Центар за управување со кризи, пренесени од националното радио LRT, велат дека леталото дошло од соседна Белорусија и се движело кон запад.
„Беспилотно летало што навлезе во литванскиот воздушен простор беше уништено од борбени авиони на НАТО. Со оглед на тоа што Русија ја засилува својата агресија врз Украина, ваквата подготвеност е од витално значење за нашиот регион“,
објави литванскиот претседател Гитанас Науседа.
A drone that just entered Lithuanian airspace was destroyed by NATO fighter jets. I thank Allied personnel for their swift response. With Russia intensifying its aggression against Ukraine, such readiness is vital for our region. Together with our NATO Allies, Lithuania will defend its airspace.
— Gitanas Nausėda (@GitanasNauseda) September 14, 2026
Литванскиот министер за надворешни работи Кестутис Будрис им се заблагодари на сојузниците „чие присуство помага во заштитата на нашето небо и ја зајакнува нашата безбедност“.
„Ова е најдобриот пример за сојузничко единство и решителност на дело – испраќање јасна порака дека НАТО останува буден, посветен и подготвен“,
вели Будрис.
A drone that violated Lithuania’s airspace tonight was swiftly shot down by #NATO fighter jets. Sincere thanks to our Allies, whose presence helps protect our skies and strengthens our security. This is best example of Allied unity and resolve in action – sending a clear message that NATO stands vigilant, committed, and ready.
— Kęstutis Budrys (@BudrysKestutis) September 14, 2026
Литванија, Латвија и Естонија – сите членки на НАТО на границата со Русија – постојано се соочуваат со навлегувања на беспилотни летала на нивните територии откако Москва ја започна војната против Украина.
Вчера, полскиот министер за одбрана Владислав Кошњак-Камиш рече дека војската лоцирала и извлекла беспилотно летало од Балтичкото Море, во близина на плажата во Русиново, недалеку од Јарославјец.
„Првичниот преглед укажува на тоа дека станува збор за руско воено беспилотно летало“,
рече тој.
Портпаролот на полските вооружени сили изјави дека леталото изгледало како „гербера“ – евтино беспилотно летало со голем домет, изработено од материјали како иверица и пена. Тие често се користат како мамки, но можат да носат и експлозив.