Новата цена на еуросупер БС-95 ќе изнесува 100,50 денари за литар, додека еуросупер БС-98 ќе се продава за 102,50 денари за литар. Цената на дизелот, пак, ќе изнесува 99 денари
Од полноќ горивата ќе се продаваат по нови цени, одлучија на денешната седница од Регулаторната комисија за енергетика, водни услуги и услуги за управување со отпад (РКЕ).
Бензините поскапуваат за три и пол денари, а дизелот поевтинува за два денари.
Со тоа, новата цена на еуросупер БС-95 ќе изнесува 100,50 денари за литар, додека еуросупер БС-98 ќе се продава за 102,50 денари за литар.
Цената на дизелот, пак, ќе изнесува 99 денари.
Екстралесното масло за домаќинство поскапува за четири и пол денари за литар и ќе се продава по 109,50 денари.
Цената на мазутот се зголемува за 2,242 денари за килограм и ќе изнесува 48,243 денари.
Со одлуката на РКЕ се зголемуваат малопродажните цени на нафтените деривати во просек за 2,86 отсто отсто во однос на цените утврдени со претходната одлука од 7 септември 2026 година.
Во пресметката е применета и одлуката на Владата за намалување на ДДЦ за еуродизел на 10 тсто.
Истовремено, продолжува примената на намалената акциза кај бензините и дизелот.
Владата на вчерашната седница донесе одлука за намалување на данокот на додадена вредност (ДДВ) за дизел-горивото од 18 на 10 отсто.
Оваа интервенција се презема со цел да се амортизира ценовниот удар врз граѓаните и бизнис-секторот во период на кризна состојба, која произлегува од можноста за нарушувања во снабдувањето со нафта и нафтени деривати, а врз основа на владините пресметки, намалувањето на даночната стапка значително ќе го ублажи најавениот раст на малопродажните цени.
Повластена даночна стапка е од привремен карактер и ќе се применува од полноќ на 15 септември до 28 септември.