Според него, најголем напредок во преговорите за ограничување за превозниците за престој во шенген-зоната се случил во февруари годинава, кога ЕУ решила да ги препознае возачите на автобуси и камиони како професионалци. Со тоа сите возачи што работат во шенген-зоната имаат можност да побараат долгорочни визи кои важат секаде во ЕУ
Идејата, според него, е државите каде што најмногу работат нашите превозници да бидат покриени со долгорочни визи, но додаде дека се доволни и тие што веќе ги издаваат Хрватска и Швајцарија, зашто кога ќе се влезе во шенген-зоната нема ограничување, односно нема граници
Би ги замолил превозниците да не потпаѓаат под влијание од една соседна држава во која сега ќе има избори, рече вечерва вицепремиерот и министер за транспорт Александар Николоски во гостување на телевизија Канал 5 коментирајќи го решавањето на проблемот што тие го имаат со ограничениот престој во шенген-зоната.
„Пред два дена во Брисел немаше никаков состанок, туку вообичаена прес-конференција на која новинарите можат да постават какво било прашање, па и за превозниците од Западен Балкан. Би ги замолил превозниците да не потпаѓаат под влијание на соседна држава во која претстојат избори, бидејќи токму од таму дојде информацијата дека на 1 септември во Брисел имало некаков состанок и тоа е лажна вест“,
рече Николоски во гостувањето на Канал 5.
Според него, најголем напредок во преговорите за ограничување за превозниците за престој во шенген-зоната се случил во февруари годинава, кога ЕУ решила да го препознае возачите на автобуси и камиони како професионалци. Со тоа сите возачи што работат во шенген-зоната имаат можност да побараат долгорочни визи кои важат секаде во ЕУ.
„Станува збор за сериозен проблем што ги имаат македонските превозници и ние имаме целосно разбирање и им даваме сериозна поддршка и тоа го правиме во целиот изминат период. Кога Европската комисија реши да ја промени својата визна стратегија и да ги препознае возачите на камиони, автобуси и останати превозни средства како професионалци. Тоа отвори простор да се најде решение. Тоа е двостепено. Првиот степен беше да се препознаат како професионалци, а веќе кога се препознати така имаат право на долгорочни вози и на тој начин го избегнуваат ограничувањето 90 дена престој во рамки на 180 дена кое важи за останатите жители што не се дел до шенген-зоната“,
кажа министерот.
Посочи дека сите возачи што превезуваат стока во која било држава во шенген-зоната можат да аплицираат за долгорочна виза и да ја добијат.
Такви визи, како што додаде, веќе издаваат Хрватска и Швајцарија.
Во целата постапка смета дека е значајно тоа што тие визи важат за целата шенген-зона, односно не се однесуваат само на конкретната држава од која се издадени.
„Ова е решението кое ние можеме да го направиме и секако би било подобро и полесно доколку ЕУ ги промени правилата. Постојано го бараме тоа, но не зависи од нас, туку од ЕУ“,
посочи тој.
Идејата, според него, е државите каде што најмногу работат нашите превозници да бидат покриени со долгорочни визи, но додаде дека се доволни и тие што веќе ги издаваат Хрватска и Швајцарија, зашто кога ќе се влезе во шенген-зоната нема ограничување, односно нема граници.
„Тоа значи дека кога некој превозник ќе влезе во граничните земји од зоната, потоа нема ограничување во движењето, односно нема граници и доколку има долгорочна виза треба само да ја покаже и нема да има проблем со престојот“,
вели Николоски.
Професионалните возачи и транспортери од земјава, организирани од транспортната асоцијација „Макам-транс“, на 31 август одржаа протест пред седиштето на Делегацијата на Европската Унија (ЕУ) во Скопје, каде што беа паркирани и околу дваесетина камиони.
Како најголем проблем го посочија начинот на кој им се пресметува престојот во странство, односно тоа што деновите им се бројат како да престојуваат во земјите како туристи.
Доколку не се најде решение за нивниот престој во земјите од шенген-зоната, соопштија и дека се подготвени да одат до крај и да ги блокираат граничните премини.