Како што информира ДЗС, пожарот е локализиран, а повеќе негови краци се изгаснати. Сепак, потенцираат дека утринското извидување ќе даде подобра слика за состојбата
Дирекцијата за заштита и спасување (ДЗС) сподели снимки и фотографии од денешното гаснење на пожарот што подолго време гори на територијата на Општина Македонски Брод.
Денеска било драматично во пределот на селото Локвица, длабоко во планината во правец кон ловиштето „Јасен“.
„Во пределот над с. Локвица, Општина Македонски Брод, далеку во планината во правец кон ловиштето ʼЈасенʼ – моменти од дејство на поголем огнен тим на ДЗС за гасење шумски пожари (25 доброволни пожарникари и пет оперативци на ДЗС) со подршка од три авиони ‘ертрактор’ на ДЗС и хеликоптер на МВР што полнеше вода од монтажен базен, при што имаше мноу брзо полнење и исфрлање вода“,
велат од ДЗС.
Како што информира ДЗС, пожарот е локализиран, а повеќе негови краци се изгаснати. Сепак, потенцираат дека утринското извидување ќе даде подобра слика за состојбата.
Претходно денеска, директорот на ДЗС, Стојанче Ангелов, објави дека е поставен монтажен базен на територијата на Општина Македонски Брод за поефикасно гаснење на пожарот што е на тешко пристапен терен. Ангелов рече дека сега хеликоптерот ќе може да полни вода на секои три до четири минути.