Претседателот на Франција, Емануел Макрон, најави дека следната фаза од неговиот претседателски мандат ќе биде придружена со нов владин тим, но не се изјасни за иднината на премиерот.
Макрон најави дека во последните две години од неговиот мандат сака да го реформира пензискиот систем.
„Новата фаза бара нови цели на независност, реконструкција, помирување и нови методи. Зад тоа ќе стои нов тим“,
истакна Макрон.
За реконструкција на владата се шпекулира по локалните избори, што се одржаа во неделата, на кои Зелените ја презедоа контролата во поголемите француски градови и партијата на Макрон, Република во движење доживеа пораз.