Две деца, на возраст од 14 и 15 години, загинале во сообраќајна несреќа што се случила попладнево на мост на реката Струмица, на локалниот пат меѓу селата Добрејци и Пиперево, потврдила портпаролката на СВР-Струмица, Хризантема Рендевска.
Сообраќајната несреќа се случила околу 15 часот и 15 минути. Според првичните сознанија, тракторот со кој превезувале двете деца се превртел и паднал во реката, пренесува МИА.