Според Центарот за јавно здравје во Штип, зголемен е бројот на лица што се наоѓаат во изолација каде што сега се над 500 во споредба со изминатата недела кога беа меѓу 420 и 450.
Новозаболените и оние во изолација се поврзани со текстилниот и со кожарскиот кластер, а има и новозаразени од скопјанец, кој дошол на гости во Штип, по што неговите контакти се позитивни. Од ЦЈЗ во Штип истакнуваат дека дневно се прават по 50 теста.
Директорот на Клиничка болница-Штип, Ален Ѓеорѓијев, информира дека на Инфективното одделение се хоспитализирани 32 пациенти, од кои 30 се позитивни, а двајца се сомнителни. Во текот на денот очекуваат на домашно лекување да се пуштат неколку пациенти, кои се со полесна клиничка слика.
Епидемиолозите немаат потполна слика по тестирањето на вработените во градинките. Сѐ уште се чекаат резултатите на 20-ина вработени во градинката „Астибо“, а скринингот е направен на 12 јуни.