На првата фотографија се гледа е она што се нарекува „заоѓање на Земјата“, односно момент кога астронауите ја здогледуваат нашата планета зад лунарниот пејзаж со лузните од бројните кратери
Американската агенција за всенеленски исттражувања – НАСА ги објави првите фотографии направени од астронаутите на „Артемис II“ за време на нивното прелетување покрај Месечината, пренесоа светските медииуми.
На првата фотографија се гледа е она што се нарекува „заоѓање на Земјата“, односно момент кога астронауите ја здогледуваат нашата планета зад лунарниот пејзаж со лузните од бројните кратери.
Втората фотографија што ја објави НАСА, го прикажува спекталуларното затемнување на Сонцето кое четворочлениот екипаж на капсулата „Орион“ имаа можност да го посведочат додека Месечината доаѓа во линија со Сонцето, оцртувајќи ја само неговата корона.
Агенцијата, како што забележува Би-би-си, не наведе кој од астронаутите, кои се веќе на пат назад кон Земјата по прелетувањето, ги направил фотографиите.
Фотографијата од „заоѓањето на Земјата“ е своевидно ехо на позната фотографија „изгрејување на Земјата“, направена од Бил Андерс, кој беше дел од мисијата „Аполо 8“ која пролета покрај Месечината, како претходница на историското прво следување на природниот Земјин сателит една година подоцна, односно во 1969 година.
Погледот на „сината планета“ наспроти позадината на длабочините на вселената сè уште се смета за една од најзначајните еколошки фотографии некогаш направени.
Астронаутите ги направија фотографиите за време на шестчасовно прелетување кога нивната капсула беше зад темната страна на Месечината, поради што екипажот 40 минути немаше радио врска со контролата на мисијата на Земјата.
НАСА во својот опис наведува дека фотографијата од „заоѓањето на Земјата“ е направена преку прозорецот на вселенското летало Орион во 18:41 часот по источно летно време (24:41 часот според средноевропско време ) вчера.
„Темниот дел од Земјата е ноќен. На дневната страна на Земјата, вртложни облаци се видливи над регионот на Австралија и Океанија. Во преден план, кратерот Ом има трасирани работи и рамно дно испрекинато со централ и врвови. Централните врвови се формираат во сложени кратери кога површината на Месечината била вулкански активна и тие се формираат со расрпснување нагоре за време на формирањерто на кратерот“,
соопшти НАСА.
За астронатите од мисијата „Артемис II“ глетката од затемнувањето на Сонцето додека Месечината го блокира била врвен момент, дури и на ова извонредно патување.
На фоторафијата која го прикажува овој момент, короната на Сонцетот може да се види околу работ на Месечината. Затемнувањата на Сонцето се минливи и кратки кога се гледаат од Земјата, но поради близната на капсулата „Орион“ до Месечината астронауите можеа да уживаат во глетката од целосното затемнување речиси 54 минути, соопшти НАСА.
Светлата точка, лево од рабовите на фотографијата, е планетата Венера.
Пилотот на „Орион“, Виктор Гловер го опиша затемнувањето, односно погледот на короната на Сонцето, како „научна фантастика“ и „нереално“.
„Ова продолжува да биде нереално. Сонцето отиде зад Месечината и короната е сè уште видлива, и е светла и создава ореол речиси околу целата Месечина. Земјата е толку светла таму надвор, а Месечинта едноставно виси пред нас“,
наведе тој.
Иако сателитски фотографии од темната страна на Месечината се направени по речиси пет децении од последното слетување на човекот во 1972 година, НАСА изјави дека тоа што астронаутите го виделе со свои очи за време на прелетот е непроценливо.
Екипажот снимил аудио описи за тоа што гледале, а научниците на НАСА ќе ги разгледаат овие белешки за нови информации.
Последната фотографија го прикажува „изгревот“ на Земјата додека нашата планета се враќа во видното поле на астронаутите по нивното време поминато зад Месечината.
Астронаутите треба да се вратата на Земјата и да се спуштат во Тихиот Океан покрај западниот брег на САД во петок во 20:07 часот по источно американско време (во сабота 02:07 часот по македонско време).