Според извештаите, имало борби меѓу американските и иранските сили при спасувањето на офицерот. Имено, американските сили отвориле оган за да ги спречат иранските сили да се приближат до локацијата на пилотот
Операцијата за спасување на вториот член на екипажот на американскиот борбен авион „Ф-15Е“ што во петокот беше соборен во Иран била исклучително сложена и вклучувала стотици припадници на специјалните сили на САД и десетици авиони и хеликоптери, објави Би-би-си.
Аналитичарот на британскиот национален радиодифузер, Крис Партриџ, вели дека станува збор за една од најголемите операции за пребарување и спасување во последните години, во која се користени значителни ресурси на војската на Соединетите Држави.
Според Би-би-си, офицерот за оружје (WSO), кој седел на второто седиште на „Ф-15Е Страјк Игл“, бил повреден за време на катапултирањето над јужен Иран. И покрај повредите, тој успеал да се движи и да избегне заробување повеќе од еден ден, вооружен само со пиштол.
Инаку, како што се наведува, ова е првиот „Ф-15Е“ што е соборен во борба по повеќе од 20 години.
Според медиумските извештаи и објавените снимки и фотографии на социјалните мрежи, имало борби меѓу американските и иранските сили при спасувањето на офицерот. Имено, американските сили отвориле оган за да ги спречат иранските сили да се приближат до локацијата на пилотот.
❗️After the evacuation of the second pilot from the downed F-15E, the 🇺🇸United States was forced to destroy two HC-130J Combat King II search-and-rescue aircraft that were unable to leave 🇮🇷Iran for unknown reasons.
— 🪖MilitaryNewsUA🇺🇦 (@front_ukrainian) April 5, 2026
According to the New York Times, the aircraft were blown up on… pic.twitter.com/Fz7dug2CpO
Британскиот национален радиодифузер наведува дека два од петте американски транспортни авиони што се користеле во операцијата не успеале да полетаат од Иран. За да не паднат во рацете на непријателот, американските сили ги уништиле.
Photos show the charred remains of 2 U.S. Air Force C-130 Hercules at the site of a temporary forward operations base in Southern Iran that was utilized during last night’s operation by U.S. Special Forces, with the aircraft being destroyed to prevent their falling into enemy… pic.twitter.com/A6JQX40AxL
— OSINTdefender (@sentdefender) April 5, 2026
Информацијата за спасувањето на членот на екипажот на авионот утрово ја потврди претседателот на САД, Доналд Трамп, кој на својата социјална платформа Трут соушл (Truth Social) објави детали за спасувачката мисија.
Тој во објавата, меѓу другото, напиша дека по негова наредба американската војска испратила десетици авиони за да го извлечат, наведувајќи дека за време на операцијата не бил убиен ниту еден Американец. Членот на екипажот, според американскиот претседател, се наоѓал зад непријателските линии во планините на Иран и по него трагале иранските сили, кои му се приближувале се повеќе и повеќе. Додава дека членот на екипажот бил повреден, но ќе биде сосема добро.
Според него, фактот дека успеале да ги извршат двете операции, без ниту еден убиен или ранет Американец, уште еднаш потврдува дека САД постигнале „огромна воздушна доминација и супериорност над иранското небо“.
Гувернерот на планинските провинции Когилује и Бојер Ахмад, цитиран од новинската агенција Тасним, која е блиска на иранската Исламска револуционерна гарда, изјавил дека најмалку пет лица загинале во американско-израелските напади во југозападен Иран за време на операцијата за спасување на исчезнатиот член на американскиот екипаж од соборениот авион „Ф-15Е“, пренесен „Гардијан“.