Израелската војска најави нов бран големи воздушни напади врз владини цели во Техеран, каде што голем број луѓе се собраа во петокот на првата молитва по смртта на врховниот лидер на Иран, ајатолахот Али Хамнеи
Неколку експлозии одекнаа утрово во близина на меѓународниот аеродром Мехераб во Техеран, објави иранската новинска агенција Тасним.
Инфраструктурата на аеродромот веќе беше погодена во американско-израелските напади изминатите денови.
Израелската војска најави нов бран големи воздушни напади врз владини цели во Техеран, каде што голем број луѓе се собраа во петокот на првата молитва по смртта на врховниот лидер на Иран, ајатолахот Али Хамнеи.
The bombing of Mehrabad Airport (the oldest airport in Iran for domestic flights) and the bombing of the Ekbatan residential towers by #America and #Israel; currently Tehran pic.twitter.com/4caRfj1cnD
— IRIB (Islamic Republic of Iran Broadcasting) (@iribnews_irib) March 6, 2026
Американско-израелските напади започнаа точно пред една недела, а на првиот ден од нападите, на 28 февруари, Хамнеи беше убиен.
Мехрабад некогаш беше главен меѓународен аеродром во Техеран, но сега опслужува главно домашни летови.
Аеродромот е изграден во 1938 година и се смета за најпрометниот во Иран.
Неколку авиокомпании поврзани со одбранбената индустрија на Иран работат од неговите простории.
Израел претходно го имаше нападнато аеродромот, вклучително и во јуни минатата година кога ги погоди и иранските нуклеарни постројки.