„Мерките за интензивна нега продолжуваат и натаму“ – изјави утринава Спасоје Попевиќ – помошник-директорот на Клиниката за пулмологија на Клиничкиот центар на Србија, каде што е хоспитализиран српскиот вицепремиер и министер за внатрешни работи
Вицепремиерот и министер за внатрешни работи на Србија, Ивица Дачиќ, ноќта ја поминал мирно, но неговата здравствена состојба и натаму е непроменета и останува сериозна.
За состојбата на Дачиќ утринава информира Спасоје Попевиќ – помошник-директорот на Клиниката за пулмологија на Клиничкиот центар на Србија, каде што е хоспитализиран српскиот вицепремиер.
„Засега е стабилен, мирно ја помина ноќта. Мерките за интензивна нега продолжуваат и натаму“,
изјави Попевиќ и додаде дека доколку има нови вонредни информации, јавноста ќе биде навремено информирана.
Дачиќ со тешка пневмонија беше итно хоспитализиран на Клиниката за пулмологија во средата попладне. Приклучен е на механичка вентилација.