Промените опфаќаат повеќе министерства и значајни кадровски рокади во извршната власт
Албанскиот премиер Еди Рама вечерва соопшти реконструкција на владиниот кабинет „Рама 4“, формиран во септември минатата година по мајските парламентарни избори.
Од владиниот кабинет заминува вицепремиерката и министерка за инфраструктура и енергетика, Белинда Балуку, обвинета за корупција од страна на тамошното Специјалното обвинителство за корупција и организиран криминал (СПАК). Нова вицепремиерка ќе биде Албана Кочиу, актуелната министерка за внатрешни работи.
Се новоформираното Министерство за инфраструктура и енергетика ќе раководи Енеа Каракачи.
Ферит Хоџа, поранешниот амбасадор на Албанија во ЕУ, е назначен за министер за Европа и надворешни работи, функција која досега ја извршуваше Елиса Спиропали.
Бесфорт Ламалари ја напушта функцијата министер за правда и ја презема функцијата министер за внатрешни работи, додека Тони Гогу е назначен за прв човек на Министерството за правда.
Од Министерството за одбрана заминува и Пиро Венгу, а ќе го замени Ермал Нуфи.
Ерјона Исмаили е именувана за министерка за односи со парламентот.