Полицијата соопшти дека тој е во притвор и дека се вршат претреси на адреси во Беркшир и Норфолк
Поранешниот британски принц Ендру, чие целосно име е Ендру Маунтбатен-Виндзор, е уапсен под сомнение за злоупотреба на јавна функција, објавија британските медиуми.
Полицијата соопшти дека тој е во притвор и дека се вршат претреси на адреси во Беркшир и Норфолк. Британските весници објавија дека шест необележани полициски автомобили и околу осум полицајци во цивилна облека пристигнале во Вуд Фарм на имотот Сандрингам во Источна Англија.
„Како дел од истрагата, денес уапсивме маж во шеесеттите години од Норфолк под сомнение за злоупотреба на јавна функција и вршиме претреси на адреси во Беркшир и Норфолк. Мажот во моментов останува во полициски притвор“,
велат од полицијата.
Thames Valley Police have opened an investigation into an offence of misconduct in public office.
— Thames Valley Police (@ThamesVP) February 19, 2026
A man in his sixties from Norfolk has been arrested and remains in police custody. As per national guidance we will not name the arrested man.
Read more: https://t.co/wehZDx4InV pic.twitter.com/b23l2KeOHG
Полицијата од долината Темза соопшти дека претходно овој месец полицајците ги разгледувале наводите дека Маунтбатен-Виндзор му предал доверливи владини документи на Епстин, според досиејата неодамна објавени од американската влада.
„По темелна проценка, отворивме истрага за тврдењето за злоупотреба на јавна функција. Важно е да ги заштитиме интегритетот и објективноста на нашата истрага додека работиме со нашите партнери за да го истражиме ова наводно кривично дело“,
изјави Оливер Рајт, помошник-началник на полицијата.
Тој додава дека името на уапсениот маж нема да биде објавено, а со оглед на тоа што случајот е активен, предупредува на претпазливост при објавувањето.
Помошник-началникот Рајт вели дека е важно да се заштити интегритетот и објективноста на истрагата и оти јавноста за сè ќе биде информирана навремено.
Маунтбатен-Виндзор, вториот син на кралицата Елизабета, отсекогаш негирал какво било кривично дело во врска со Епстин и рекол дека жали за нивното пријателство. Според Би-би-си, тој не одговорил на барањата за коментар од последното објавување документи.