Десет лица се убиени, а најмалку 27 се повредени во пукање во средно училиште во Канада

Надлежните велат дека им е познат идентитетот на напаѓачот, но дека сѐ уште не го објавиле официјално. Полицијата врши увид на местото на настанот, а се прави и анализа на видот на оружјето што е употребено во нападот

Десет лица беа убиени, а најмалку 27 се повредени во пукање во средно училиште во градот Тамблер Риџ во Британска Колумбија, Канада, пренесува Би-би-си.

Пукањето се случило околу 13:20 часот по локално време.

Полицијата нашла шест починати лица во училиштето, додека седмото починало на пат кон болница.

Две лица, без знаци на живот, се пронајдени во куќа во близина на училиштето.

Полицијата, како што пренесува Би-би-си, претпоставува дека овие две лица се поврзани со инцидентот во училиштето.

И напаѓачот е пронајден мртов, а полицијата смета дека извршил самоубиство.

Началникот на полицијата Кен Флојд изјави дека 25 лица претрпеле полесни, а две лица се здобиле со сериозни повреди.

Во безбедносното предупредување испратено за време на нападот, осомничениот е идентификуван како женско лице во фустан и со кафеава коса.

Надлежните велат дека им е познат идентитетот на напаѓачот, но дека сѐ уште не го објавиле официјално.

Полицијата врши увид на местото на настанот, а се прави и анализа на видот на оружјето што е употребено во нападот.

Канадскиот премиер Дејвид Аби на прес-конференција изјави дека полицијата пристигнала на местото на пукањето две минути по повикот, со што се спречило трагедијата да стане уште поголема.

„Ова е ужасна и незамислива трагедија. Не можеме да замислиме низ што минува сега нашата заедница“,
рече тој.

All of BC is wrapping the families of Tumbler Ridge with love.

Supports are available:

BC Mental Health Support Line: 310-6789

Kids Help Phone: Text “CONNECT” to 686868

Thank you to the emergency responders on the ground for the work they are doing. pic.twitter.com/BqbkDnH9JT
— David Eby (@Dave_Eby) February 11, 2026