Портпаролката на аеродромот вели дека прекинот влијае само на полетувањата, а авионите што пристигнуваат сè уште можат да слетаат
Сите полетувања од берлинскиот аеродром „Бранденбург“ утринава се откажани, информираат аеродромските власти.
Причина за откажување на летовите се врнежите од снег и замрзнат дожд.
Според информациите од аеродромските власти, утринава авионите не можеле да се одмрзнат поради дождот кој веднаш замрзнувал.
Портпаролката на аеродромот вели дека прекинот влијае само на полетувањата, а авионите што пристигнуваат сè уште можат да слетаат. Таа додава дека не е познато колку долго ќе бидат суспендирани полетувањата.
Aufgrund der Wetterbedingungen sind derzeit keine Starts möglich. Bitte überprüfe den Flugstatus bei deiner Fluggesellschaft. pic.twitter.com/24cLdrNg5L
— BER – Berlin Brandenburg Airport (@berlinairport) February 5, 2026
Оттаму ги предупредуваат патниците да очекуваат откажувања на летови и значителни доцнења и им се препорачува да ја проверат состојбата на своите летови кај авиокомпаниите.
Германската метеоролошка служба предупреди на висок ризик од опасни услови на мраз во Берлин поради замрзнат дожд и мраз.