Погледнете го новото дебатно издание на емисијата „360 степени”, емитувано на 2 февруари 2026 г. на МРТ 1, во кое гостува министерката за финансии и потпретседателка на ВМРО-ДПМНЕ, Гордана Димитриеска-Кочоска
Владата останува набљудувач во дијалогот меѓу синдикатите и работoдавачите бидејќи платите ги обезбедува приватниот сектор, вели министерката за финансии Гордана Димитриеска-Кочоска, во интервју за „360 степени“ на МРТ 1. Прашана што ќе изгуби Владата ако работодавачите го покријат нето-зголемувањето на минималната плата, а Владата се согласи да ги покрие придонесите одреден период, министерката за финансии вели дека таа, а и буџетот не би изгубиле ништо, но упати ова прашање да го поставиме во Владата и Министерството за економија и труд. Разговараме за реализацијата од околу 66% на капиталните расходи во 2025 година и очекувањата за оваа година. Тема е и проектот „брза пруга“, барањето кредитор, плановите за болниците во Кичево, Тетово и Штип. Разговараме и за буџетите на судството и на јавното обвинителство.