Тој повторно инсистираше дека на САД им е потребна сопственоста врз големата арктичка територија заради воспоставување систем за ракетна одбрана и меѓународна безбедност
Американскиот претседател Доналд Трамп во воведниот говор на Светскиот економски форум во Давос денеска изјави дека нема да употреби сила за да ја преземе контролата врз Гренланд, што веднаш предизвика скок на индексите на светските берзи, јави ДПА.
Тој повторно инсистираше дека на САД им е потребна сопственоста врз големата арктичка територија заради воспоставување систем за ракетна одбрана и меѓународна безбедност.
„Не можете да го браните со лизинг. Само САД се во позиција да можат да го обезбедат Гренланд“,
им рече Трамп на лидерите во Давос.
Тој додаде дека бара итни преговори за повторно да разговараат за стекнувањето на владение врз Гренланд од страна на САД.
За време на високиот собир во швајцарското алпско одморалиште, Трамп има испланирано голем број состаноци за Гренланд.
Европските сојузници на НАТО изразија солидарност со Данска и Гренланд, но Трамп рече дека од 1 февруари ќе воведе казнени царини за да изврши притисок врз противниците на продажбата на арктичкиот остров на САД.
Трамп денеска изјави дека ставот на САД за стекнување на Гренланд од Данска не е променет.
„Можете да кажете да, и ние ќе бидеме многу благодарни или можете да кажете не, и ние нема да ви заборавиме“,
изјави американскиот претседател.