Одлуката ќе стапи во сила на 21 јануари годинава, како дел од пошироката ревизија на процедурите поврзани со процената на тоа дали апликантите би можеле да станат товар на американскиот систем на државна помош
Администрацијата на американскиот претседател Доналд Трамп го суспендира процесирањето имигрантски визи за државјаните на 75 земји, пренесува Фокс њуз повикувајќи се на документ од Стејт департментот.
Оттаму информираат дека одлуката ќе стапи во сила на 21 јануари годинава, како дел од пошироката ревизија на процедурите поврзани со процената на тоа дали апликантите би можеле да станат товар на американскиот систем на државна помош.
BREAKING: Sec. Marco Rubio freezes all foreign visa processing indefinitely from 75 countries:
— Leading Report (@LeadingReport) January 14, 2026
Afghanistan, Albania, Algeria, Antigua and Barbuda, Armenia, Azerbaijan, Bahamas, Bangladesh, Barbados, Belarus, Belize, Bhutan, Bosnia, Brazil, Burma, Cambodia, Cameroon, Cape Verde,…
Според Фокс њуз, на американските амбасади во засегнатите држави им се наложува да ги одбиваат визите во согласност со важечкиот закон, додека Стејт департментот ги анализира постојните правила.
Во објавениот список на засегнати земји што го пренесуваат тамошните медиуми е вклучена, како што пишува, и Македонија, заедно со држави од Европа, Азија, Африка и Латинска Америка. Меѓу нив, се и Русија, Иран, Авганистан, Бразил и Нигерија.
Од балканските држави на списокот, покрај земјава, се и Албанија, Босна и Херцеговина, Црна Гора и Косово.
Засега нема детално објаснување како оваа одлука ќе се одрази на различните категории визи и на започнатите постапки.
Запирањето на обработката на визите е дел од строгата имиграциска политика што Трамп ја спроведува откако ја презеде функцијата во јануари минатата година.
The State Department will pause immigrant visa processing from 75 countries whose migrants take welfare from the American people at unacceptable rates. The freeze will remain active until the U.S. can ensure that new immigrants will not extract wealth from the American people.
— Department of State (@StateDept) January 14, 2026
Во ноември минатата година Трамп рече дека трајно ќе ја запре миграцијата од, како што рече, земјите од третиот свет. Тоа следуваше откако беше застрелан припадник на Националната гарда во близина на Белата куќа.