Според Истражниот комитет на Русија, бројот на жртви во нападот со беспилотни летала врз Херсонската Област се искачи на 27, вклучувајќи две малолетни лица
Руските воздушно-одбранбени сили во текот на ноќта соборија 64 украински беспилотни летала над 10 руски региони, објави утрово руското Министерство за одбрана.
Во соопштението се наведува дека над Самара се соборени 20 украински беспилотни летала, а над Воронешката и Саратовската Област по осум.
Во Московскиот Регион се соборени седум беспилотни летала, вклучувајќи пет што летале кон главниот град.
Се наведува и дека шест украински беспилотни летала се соборени над Рјазанската и Ростовската Област, три над Тулската, две над Белгородската и по една над Курската, Калушкаската, Пенската и Тамбовската Област.
Според Истражниот комитет на Русија, бројот на жртви во нападот со беспилотни летала врз Херсонската Област се искачи на 27, вклучувајќи две малолетни лица.
Според руските власти, во ноќта помеѓу 31 декември и 1 јануари, беспилотни летала нападнале кафетерија и хотел во Херсонската Област на брегот на Црното Море, при што се повредени 29 лица.
Гувернерот на регионот Херсон, Владимир Салдо, објави дека 2 и 3 јануари се прогласени за денови на жалост во тој регион.
Руските власти вчера побараа од Канцеларијата на Високиот канцелар на Обединетите нации за човекови права јавно да се осуди нападот на украинските сили врз Херсонската Област.