Градоначалникот Орце Ѓорѓиевски најави дека во следниот период сите институционални капацитети ќе бидат обединети и ставени во служба на спроведување на програмата „Европска престолнина на културата – Скопје 2028“
Град Скопје и скопските општини денеска потпишаа меморандум за соработка со цел соработка и дејствување на сите нивоа за подготовката и реализацијата на проектот „Европска престолнина на културата – Скопје 2028“.
„Во следниот период сите институционални капацитети, ресурси и човечки потенцијали ќе бидат обединети и ставени во служба на достоинствено, непречено и успешно спроведување на програмата ‘Скопје 2028’, во духот на европските вредности, културната разноликост и активното учество на граѓаните“,
објави скопскиот градоначалник.
Ѓорѓиевски порача дека со потпишувањето на меморандумот, проектот „Европска престолнина на културата – Скопје 2028“ влегува во нова и динамична фаза на реализација, а дополнително се испраќа порака за зедништво и институционална зрелост како потврда дека Скопје е подготвено да ја понесе значајната европска улога.