„Тукушто имав добар и многу продуктивен телефонски разговор со претседателот на Русија, Путин, пред мојата средба во 13 часот по локално време денеска со претседателот на Украина, Зеленски“, напиша Трамп на својата социјална мрежа Трут соушл
Американскиот претседател Доналд Трамп упати порака на оптимизам откривајќи дека остварил многу продуктивен телефонски разговор со рускиот претседател Владимир Путин.
Оваа изјава доаѓа во клучен момент, непосредно пред неговата најавена средба со украинскиот претседател Володимир Зеленски на Флорида.
„Тукушто имав добар и многу продуктивен телефонски разговор со претседателот на Русија, Путин, пред мојата средба во 13 часот по локално време денеска со претседателот на Украина, Зеленски. Средбата ќе се одржи во Мар-а-Лаго. Претставниците на медиумите се поканети“,
напиша Трамп на својата социјална мрежа Трут соушл.
Кремљ, исто така, потврди дека се одржал разговорот меѓу двајцата лидери.
Средбата со Зеленски се смета за критичен тест за мировниот план на Трамп, за кој тој тврди дека може да ги донесе двете страни на преговарачка маса во најкраток можен рок.