Според полицијата, увид извршила екипа од СВР Скопје, известен е јавен обвинител и се преземаат мерки за пронаоѓање на сторителот и за целосно расчистување на случајот. Засега од полицијата не споделија информации за какви оштетувања станува збор, ниту за потенцијалниот мотив на сторителот или сторителите
Триесет и четири патнички возила биле оштетени на паркинг на булеварот „АСНОМ“ во Скопје, а вкупната материјална штета е проценета на околу 11 000 евра, информираат од Министерството за внатрешни работи (МВР).
„Денеска (28.12.2025) во СВР Скопје е пријавено дека во периодот од 23:00 часот на 27.12.2025 до 09:00 часот на 28.12.2025 на паркинг простор на бул. ‘АСНОМ’ е извршено оштетување на 34 патнички возила со вкупна материјална штета од околу 11 000 евра“,
соопшти МВР.
Според полицијата, увид извршила екипа од СВР Скопје, известен е јавен обвинител и се преземаат мерки за пронаоѓање на сторителот и за целосно расчистување на случајот.
Засега од полицијата не споделија информации за какви оштетувања станува збор, ниту за потенцијалниот мотив на сторителот или сторителите.