Во интервју за руската државна агенција, Лавров, исто така, ја повика Јапонија внимателно да размисли за она што го опиша како пат кон милитаризација
Русија се спротивставува на независноста на Тајван во која било форма и го смета тој остров за неразделен дел од Кина, изјави шефот на руската дипломатија Сергеј Лавров, во соопштение објавено денеска.
Во интервју за руската државна агенција, Лавров, исто така, ја повика Јапонија внимателно да размисли за она што го опиша како пат кон милитаризација.
Лавров во интервјуто изјави дека европски контингент, доколку биде распореден во Украина, ќе стане легитимна цел на руските вооружени сили.
„Европските политичари не ги жалат не само Украинците, туку ни сопственото население. Веќе сто пати рековме дека во таков случај тие би станале легитимна цел на нашите вооружени сили“,
рече шефот на руската дипломатија, додавајќи дека тоа го докажуваат актуелните разговори во Европа за испраќање воени контингенти во Украина.
Лидерите на водечките европски земји кон средината на декември објавија дека безбедносните гаранции за Киев мора да вклучуваат создавање „мултинационални сили за Украина“ предводени од европските сили.