Транспарентот на кој над фотографиите на загинатите стои натпис „16.03.2025 – 63 сенки ќе ве следат – секој поглед бара правда”, родителите го поставија на дел од металната безбедносна ограда поставена околу судницата во Идризово. Полицијата која го обезбедува просторот околу судницата првично рече дека не смеат да го постават транспарентот, но по консулатациите дозволија тој да биде од надворешната страна на оградата
Родителите и блиските на загинатите во пожарот во т.н. кабаре „Пулс” во Кочани на денешното рочиште дојдоа со транспарентот со ликовите на нивните најбиски кои настраа во трагидијата.
Транспарентот на кој над фотографиите стои натпис „16.03.2025 – 63 сенки ќе ве следат – секој поглед бара правда”, тие го поставија на дел од металната безбедносна ограда поставена околу судницата во Идризово. Полицијата која го обезбедува просторот околу судницата првично рече дека не смеат да го постават транспарентот, но по консулатациите дозволија тој да биде од надворешната страна на оградата.
Транспарентот е свртен кон пракингот од каде што доаѓаат обвинетите, меѓу кои и оние што се во притвор кои ги носат со полициски комбиња.
„Го донесовме транспарентот за да ги потсетиме ‘убијците’ што направија бидејќи на претходното рочиште рекоа дека не чувстуваат вина”,
кажа Светлана Стојанова, мајка на Андреј Стојанов, кој загина во „Пулс”.
Јулија Златкова, мајка на загинатиот Андреј Златков, исто така, кажа дека според нив контрадикторно било тоа што никој одбвинетите не признал вина.
„Зарем треба ние родителите да ги потсетиме зошто се во судница. Никој од нив немаше ниту грам совест и човечност да ја признае својата вина”,
кажа таа во изјава за медиумите пред почетокот на рочиштето.
Со воведни зборови на дел од обвинетите денеска треба да продолжи судскиот процес за пожарот во Кочани во кој загинаа 63 луѓе, а повеќе од 200 бра повредени. На рочиштето во вторникот сите 35 обвинети физички лица се изјаснија дека не чувствуваат вина. Обвинетите три фирми го отрфлија обвинението.
Сопственикот на „Пулс”, Дејан Јованов – Деко кој е првообвинет во случајот, во емотивен исказ рече дека ако знаел дека има пропусти во објектот веднаш ќе ги остранел.
Неговата бранителка, адвокатката Ивана Коцевска во воведните зборови ги даде контурите во која насока ќе се одвива нејзината одбрана на Јованов. Рече дека нејзиниот клиент не знаел за пиротехниката и дека неа ја внела групата ДНК. Таа рече и дека институциите не вршеле контроли во објектот за да укажат на евентуални пропусти. Во таа насока, според неа, кај Јованов не постоела свест дека може да настанат последици поради што делото што му става на товар не може да се смета дека е сторено со умисла.
Досега одбрана дадоа петмина од обвинетите. Тие си ја префрлаа вината еден на друг, како и на иституциите затоа што не реагирале навреме. Одбраната на обвинетиот Гроздан Милковски рече дека тој не знаел дека објектот што му го издал Дејан Јованов-Деко ќе го адаптира во простор за угостителска дејност. Адвокатот Димче Ристов, кој е бранител на обвинетата Милка Едровска, во својот воведен говор кажа дека со доказите што ќе ги изнесат во текот на постапката ќе докажат дека таа воопшто не е виновна за пожарот.
За пожарот во „Пулс”, покрај сопственикот, неговиот брат и син, обвинети се пораншни министри, директори на институции и инспектори.