Владата изјави дека 437 лица, вклучувајќи деца и бремена жена, добиле медицинска нега во болници или на самото место. Најмалку 10 од повредените биле оперирани, а девет од нив се во тешка состојба
Бразилските власти денес објавија дека најмалку шест лица загинале, а 750 се повредени во торнадо кое опустошило град во Јужен Бразил, предизвикувајќи огромно уништување на околу 300 километри од познатите водопади Игуасу.
За само неколку минути, торнадото го опустоши Рио Бонито до Игуасу, град со околу 14 илјади жители во државата Парана, превртувајќи автомобили и уривајќи куќи.
Според најновите податоци од регионалните власти, има стотици повредени.
Официјалните лица соопштија дека најмалку едно лице се води како исчезнато, неколку часа откако торнадото ја погоди копнената област.
Меѓу шесте жртви на природната стихија има и 14-годишно девојче.
Владата изјави дека 437 лица, вклучувајќи деца и бремена жена, добиле медицинска нега во болници или на самото место. Најмалку 10 од повредените биле оперирани, а девет од нив се во тешка состојба.
Пожарникари и спасувачки служби од неколку соседни општини учествуваат во операцијата за пребарување и спасување.
🚨 Massive tornado in Brazil.
— Volcaholic 🌋 (@volcaholic1) November 8, 2025
A powerful tornado tore through Rio Bonito do Iguaçu, Paraná, Brazil, yesterday, leaving at least five people dead and over 430 injured.
Winds reached up to 250 km/h, flattening much of the city and leaving what officials described as a “war-like… pic.twitter.com/LhzAuaYalf
Според Системот за метеорологија и мониторинг на животната средина во Парана, ветровите на торнадото достигнале брзина помеѓу 180 и 250 километри на час.
Како што пишува Ројтерс, министерката за институционални односи, Глеиси Хофман, изјави дека ќе отпатува во областа со вршителот на должноста министер за здравство Адријано Масуда и други федерални претставници за да ги поддржи напорите за помош и реконструкцијата.
Владата на државата Парана прогласи вонредна состојба во Рио Бонито до Игуасу. Торнадото го погоди Бразил непосредно пред отворањето на конференцијата за климата COP30, која започнува во понеделник во Белем, што се наоѓа на северот од земјата.
„Сакам да изразам искрено сочувство до сите семејства кои ги загубија своите најблиски во торнадото. Ќе продолжиме да им помагаме на луѓето од Парана и да ја обезбедуваме целата потребна помош“,
напиша бразилскиот претседател Луиз Инасио Лула да Силва на Икс.
Quero expressar meu profundo sentimento a todas as famílias que perderam seus entes queridos no tornado em Rio Bonito do Iguaçu e em Guarapuava, no Paraná. E prestar minha solidariedade a todas as pessoas que foram afetadas.
— Lula (@LulaOficial) November 8, 2025
Uma equipe liderada pela ministra Gleisi Hoffmann,…
Тој потврди дека тим предводен од министерката Глеиси Хофман, во кој има претставници од министерствата за здравство и интеграција и регионален развој, патува во регионот.
„Техничари од Националната цивилна одбрана, специјализирани за хуманитарна помош и реконструкција, веќе се на пат кон градовите, а професионалци од Националниот здравствен систем (SUS) ќе им пружат помош на населението и на тимовите на владата на државата Парана вклучени во спасувањето и помошта на жртвите“,
додава претседателот.