Поголем број од жртвите се удавија во ненадејните поплави, главно во централната покраина Себу, каде по повлекувањето на водата се открија срушени куќи, превртени возила и улици затрупани со земја
Иако овој тајфун ги напушти Филипините и сега се движи кон Виетнам, сепак метеоролошката служба најави дека се приближува нов. Неговото пристигнување на Филипините се очекува утревечер или во сабота
Бројот на жртви на Филипините од тајфунот Калмаеги се искачи на 114, а речиси 130 лица се водат како исчезнати, соопшти тамошната агенцијата за катастрофи. Прогласена е и вонредна состојба откако тајфунот ги погоди централните провинции, главно со ненадејни поплави, пренесува Ројтерс.
Ова се смета за најсмртоносната природна катастрофа што ја погоди земјата годинава.
Поголем број од жртвите се удавија во ненадејните поплави, главно во централната покраина Себу, каде по повлекувањето на водата се открија срушени куќи, превртени возила и улици затрупани со земја.
❗️❗️ HORRIFIC flooding across Cebu, Philippines after Typhoon Kalmaegi (TinoPH).
— Volcaholic 🌋 (@volcaholic1) November 4, 2025
Homes gone. Streets underwater. Families displaced.
This. Is. Not. Normal.
Warmer oceans = stronger storms
Climate change = worse flooding
What we’re seeing in Cebu is part of a growing global… pic.twitter.com/9fAM2daPBV
Повеќе од 200 000 луѓе беа евакуирани на Филипините пред вчерашниот удар на тајфунот. Некои се вратија и ги најдоа своите домови уништени, додека други започнаа со чистење на живеалиштата.
Додека бурата што ги опустоши централните региони на Филипините, таа повторно се засилува додека се движи кон Виетнам.
Во меѓувреме, тамошните власти започнаа подготовки за доаѓањето на тајфунот Калмаеги. Финансискиот центар на земјата, градот Хо Ши Мин, се соочува со зголемен ризик од сериозни поплави бидејќи се очекува плимата и осеката да се совпаднат со обилните дождови донесени од бурата. Се очекува нивото на водата во реката Сајгон да се зголеми, а во делови од градот да наврнат и до 100 милиметри дожд.
Во делови од земјата, повеќе од 560 илјади луѓе се раселени поради тропскиот циклон кој донесе обилни дождови и налети на ветер до 180 километри на час.
DON’T LOOK AWAY!
— Volcaholic 🌋 (@volcaholic1) November 5, 2025
This is Cebu, Philippines, where the death toll from Typhoon Tino (Kalmaegi) has climbed to 92.
Homes destroyed. Entire neighbourhoods swept away. These are people like you and me, children, parents, families, their lives changed forever.
Why do some disasters… pic.twitter.com/1qcpAtzXdy
Иако овој тајфун ги напушти Филипините и сега се движи кон Виетнам, сепак метеоролошката служба најави дека се приближува нов. Неговото пристигнување на Филипините се очекува утревечер или во сабота.
Инаку, секоја година Филипините се погодени од околу 20 тропски циклони. Една од најмоќните бури што некогаш ја погодиле земјата е супертајфунот Хаијан во ноември 2013 година, во кој загинаа повеќе од 6 300 луѓе.