Од македонските државјани, кои требало да патуваат за Норвешка, биле откриени и запленети 22 805 евра и 2 600 македонски денари
Двајца македонски државјани се приведени на меѓународниот аеродром во Тирана. Кај нив биле откриени евра и денари кои не ги пријавиле, информира албанската полиција.
Од македонските државјани, кои требало да патуваат за Норвешка, биле откриени и запленети 22 805 евра и 2 600 македонски денари.
Според полициското соопштение, кај лицето А. Ј. (33) биле пронајдени 11 800 евра и 2 600 македонски денари, додека кај Б. И. (43) биле пронајдени 11 005 евра, кои не ги пријавиле.
Процедуралните материјали се предадени до Обвинителството во Тирана за понатамошно постапување.