Опозициската партија го осуди инцидентот, изрази загриженост и ги повика МВР и Јавното обвинителство веднаш да реагираат, да ги идентификуваат сторителите на овој, како што велат, атентат, да ги приведат и да ги изведат пред лицето на правдата
Демократската унија за интеграција (ДУИ) го нарече варварски и чин на насилство инцидентот во Куманово од попладнево, во кој е застрелан носителот на советничката листа на партијата во Општина Липково.
Опозициската партија го осуди инцидентот, изрази загриженост и ги повика Министерството за внатрешни работи (МВР) и Јавното обвинителство веднаш да реагираат, да ги идентификуваат сторителите на овој, како што велат, атентат, да ги приведат и да ги изведат пред лицето на правдата.
„Загрижени сме од вооружениот напад врз нашиот кандидат и носител на листата во Липково, кој беше застрелан од маскирани лица. За среќа, неговиот живот е надвор од опасност и тој ја добива потребната медицинска нега“,
велат од ДУИ.
До партиското членство, поддржувачите и симпатизерите апелираа да останати смирени, да не подлегнуваат на провокации и да ја покажат зрелоста што, како што велат, отсекогаш го карактеризирало нивното движење.
Во знак на солидарност, ДУИ најави дека денеска ги стопира активностите од кампањата за локaлните избори.
Повредениот е 43-годишникот Зекирија Шаини, вработен на скопската Клиника за пулмологија и носител на советничката листа на ДУИ во Општина Липково.