За денар и пол поевтинуваат бензините и екстралесното масло за домаќинство, а дизелот поевтинува за еден денар
Регулаторната комисија за енергетика (РКЕ) денеска донесе одлука за поевтинување на бензините и дизелот.
Така, за денар и пол поевтинуваат бензините и екстралесното масло за домаќинство, а дизелот поевтинува за еден денар.
Новата цена на еуросупер БС-95 ќе изнесува 74 денари за литар, а еуросупер БС-98 ќе се продава за цена од 76 денари за литар. Малопродажната цена на екстралесното масло за домаќинство ќе изнесува 68 денари за литар.
Цената на дизелот ќе биде 68,50 денари за литар.
Се намалува и цената на мазутот, кој ќе се продава за цена од 36,660 денари по килограм.