Непалските „непо-деца“, кратенка за непотизам, се слични на западниот термин „непо-бебиња“, кој се однесува на привилегираните деца на познати и јавни личности, наведува „Њујорк тајмс“
Во неделите што претходеа на насилните протести во Непал, фотографии и видеа што наводно го прикажуваат раскошниот живот на децата од политичката елита во земјата беа широко споделувани на социјалните медиуми.
Објавите беа означени со хаштагот #nepokids (непо-деца), што беше протолкувано како алузија на млади луѓе кои профитирале од семејни врски, а многу Непалци ги сметаат за целосно отсутни од реалноста во земја каде што еден од четири луѓе живее под националната линија на сиромаштија, објавува „Њујорк тајмс“.
Не е јасно дали фотографиите се вистински или измислени, но тие станаа симбол на корупција за која многу Непалци велат дека ја продлабочила нееднаквоста и ги збогатила функционерите и нивните семејства. Огорченоста беше еден од двигателите на протестите, кои избувнаа поради забраната за социјалните медиуми, но беа поттикнати и од годините на потиснат гнев кон владата.
Меѓу најсподелуваната беше фотографијата за која се тврди дека го прикажува синот на министер како позира покрај кутии со производи од брендовите „Луј Витон“ и „Картие“ наредени во форма на елка. Друго видео содржи изменети фотографии за кои се тврди дека го прикажуваат синот на поранешен судија како вечера во луксузни ресторани и позира покрај „Мерцедес“.
Miren el estilo de vida de los Nepokids de los políticos de Nepal.
— Fergo🌎 (@jfergo86) September 10, 2025
Similares a los Nepobabys aquí en Paraguay, con sus viajes, ropa cara, universidades del primer mundo, todo financiado por el Pueblo. pic.twitter.com/UhmzUO4wIq
„Илјадници вакви видеа се тренд во дигиталниот екосистем на Непал. Контрастот помеѓу елитните привилегии и секојдневните тешкотии силно одекна меѓу генерацијата Зет и брзо стана централен наратив што го покрена движењето“,
рече Ракиб Наик, извршен директор на Центарот за проучување на организираната омраза, група за набљудување со седиште во Вашингтон која ги следи онлајн екстремизмот и дезинформациите во Јужна Азија и нејзината дијаспора.
⚠️🇳🇵This is one of the videos that shows the mindset of the average #NepalGenZProtest protestor.
— Saikiran Kannan | 赛基兰坎南 (@saikirankannan) September 9, 2025
Nepotism.
GenZ protests targeted the elite: This TikTok video shows alleged Nepokids of top politicians flaunting lavish lives, while corruption and misgovernance deepened.#Nepal pic.twitter.com/UhlcHEawuk
Непалските „непо-деца“, кратенка за непотизам, се слични на западниот термин „непо-бебиња“, кој се однесува на привилегираните деца на познати и јавни личности, наведува „Њујорк тајмс“.
Во многу објави, фотографиите од таканаречените „непо-деца“ се испреплетени со слики што ги прикажуваат борбите на обичните и сиромашните Непалци, пренесувајќи чувство дека богатството на политичката класа се собира на сметка на општата популација.
„Транспаренси интернешнл“, независна невладина организација, го рангираше Непал меѓу најкорумпираните земји во Азија. И покрај честите скандали, кои честопати вклучуваат дослух помеѓу избрани политичари и наводно независни функционери, малку од обвинувањата резултираа со успешни правни постапки.
Wake up Nepal !! Rise up Nepal !! #corruptkids #nepokids
— न B न (@Nabin62158820) September 7, 2025
Don't Stop exposing! Keep it up!! pic.twitter.com/gmMOPBV5SB
Според „Њујорк тајмс“, парламентарна истрага откри проневера на најмалку 60 милиони евра за време на изградбата на меѓународен аеродром во градот Покара. Во друг случај, непалските лидери беа фатени како земаат пари од млади луѓе кои сакаа работа во Соединетите Држави, додека ги криеја под маската на статус на бегалец наменет за етнички Непалци, кои беа насилно протерани од соседниот Бутан.
Младите луѓе, според американските медиуми, се огорчени од неколку членови на елитата кои наводно стекнуваат огромни имоти за своите деца, а многумина бараат од државата да истражи како се купени.
Краткотрајната забрана на социјалните медиуми дополнително ги налути демонстрантите, кои на неа гледаат како обид на властите да ги задушат критиките за нееднаквостите против кои продолжуваат да протестираат.