Нема пријави за направена непотребна операција, вели Клековски и повторно повикува пациентите што се сомневаат да поднесат претставки

Министерството за здравство најави формирање на независна комисија составена од странски експерти со цел да се утврди дали навистина се вршеле неепотребни хируршки зафати во приватните здравствени установи согласно наводите на д-р Кедев

Директорот на Фондот за здравствено осигурување (ФЗО), Сашо Клековски денеска изјави дека досега нема пријави за направена непотребна операција во врска со наводите дека се вршеле непотребни кардиолошки интервенции кај пациенти во приватните болници.

„До средата немаше ниту една пријава за евентуална постапка за непотребна операција. Ние повторно ги повикуваме сите пациенти што се сомневаат, без разлика дали имаат материјали и документи или не, бидејќи најголем дел од документите се чуваат во архивите на болниците, да поднесат претставки“,

рече тој како одговор на новинарско прашање при денешната посета на болницата во Кочани.

Кардиохирургот д-р Сашко Кедев пред десетина дена на јавен настап рече дека во приватните клиники во земјава се прават непотребни кардиолошки интервенции со цел да се извлечат пари од граѓаните.

На 26 август, министерот за здравство Азир Алиу оствари средба со кардиохирургот Сашко Кедев на која разменија информации во врска со наводите дека се вршеле непотребни кардиолошки интервенции кај пациенти во приватни болници.

(ФОТО) Министерот Алиу се сретна со д-р Кедев: Приватните болници од септември ќе треба да го информираат Здравство за извршените прегледи и интервенции

Министерството за здравство најави формирање на независна комисија составена од странски експерти со цел да се утврди дали навистина се вршеле неепотребни хируршки зафати во приватните здравствени установи согласно наводите на д-р Кедев.

Интерната комисија ќе ја заврши работата, странските експерти придонесуваат во објективноста, вели Клековски за супервизијата на кардиолошките интервенции

Клековски пред неколку дена рече и дека супервизијата од тројцата странски експерти, иницирана по изјавата на кардиологот Сашко Кедев дека се прават непотребни операции и стентирања, ќе послужи, слично како и во случајот со Онкологија, за да се внесе дополнително уверување во јавноста дека постапката ќе биде објективна.