Според портпаролката на СДСМ, за решавање на настаната ситуација не е потребно магично стапче, туку треба Владата и и пратениците на ВМРО-ДПМНЕ да ги прифатат нивните предлози за покачување на минималната плата на 500 евра, за укинување на ДДВ за храна и покачување на платите во сите сектори
Опозицискиот Социјалдемократски сојуз на Македонија (СДСМ) денеска отстро реагира на синоќешната изјава на министерката за финансии Гордана Димитриески-Кочоска, која во телевизиско гостување, меѓу другото, рече дека нема магично стапче за решавање на проблемот со инфлацијата.
Реакцијата на СДСМ на прес-конференција ја пренесе портпаролката на партијата, Богданка Кузеска, која критикувајќи ги наводите на министерката рече дека за само една година власт на ВМРО-ДПМНЕ, Македонија е доведена во најголема економска несигурност досега, каде цените растат, платите мируваат, а куповната моќ на граѓаните паѓа.
„Министерката за финансии Кочоска вели дека Владата ‘немала магично стапче’ за инфлацијата.
рече Кузеска.
Тоа е само изговор. Владата не е таму да се правда додека се луксузира на грбот на народот, туку да преземе мерки“,
Како што наведе таа, сите земји во регионот, меѓу кои Србија, Бугарија, Хрватска, имаат навремени мерки и интервенции за цените и инфлацијата, додека во Македонија граѓаните се оставени сами на себе.
Изјавата на министерката дека нема магично стапче за справување со инфлацијата, Кузеска ја оцени како врв на неспособност, што значи дека актуелната власт нема ниту план ниту волја да им помогне на граѓаните.
Говорејќи на темата, портпаролката на СДСМ изнесе конкретни бројки и проценти, кои како што кажа, покажуваат дека економската состојба во државата е сериозно влошена.
„Синдикалната минимална кошница е поскапа за речиси 5 000 денари, само за една година. Во исто време, минималната плата порасна за само 1 800 денари, зеленчукот поскапел за 63,3%, а овошјето за 33% само за една година. Инфлацијата е 4,8% и ги јаде примањата на граѓаните, а реалната плата во јуни порасна за само 3,8 отсто“,
наведе Кузеска.
Според неа, за решавање на настаната ситуација, не е потребно магично стапче, туку треба Владата и и пратениците на ВМРО-ДПМНЕ да ги прифатат предлозите на СДСМ за покачување на минималната плата на 500 евра, на укинување на ДДВ за храна и покачување на платите во сите сектори.
Таа најави дека СДСМ ќе ја продолжи борбата за повисоки плати и дека повторно ќе поднесе предлог-законските решенија во Собранието, бидејќи, како што додаде, тоа е борба за достоинствен живот.
Министреката за финансии Гордана Димитриеска-Кочоска во синоќешното гостување во централниот Дневник на ТВ Сител, прашана за инфлацијата и дали Владата презема мерки за нејзино зауздување, кажа дека за решавање на овој проблем не магично стапче, туку се потребни коренити реформи, а не решенија на краток рок.
Таа, кажа, дека инфлацијата не го „подјадува“ животниот стандард на граѓаните, бидејќи растот на платите е поголем од растот на цените.
„Ние во Македонија имаме раст на просечната плата за една година од 10,1 процент, а инфлацијата во последниот месец е 4,8 проценти, што значи животниот стандард не е подјаден, напротив имаме поголем раст на платите, отколку што е растот на инфлацијата“,
рече министерката за финансии.
Во однос на мерките што можат да се преземат за намалување на притисокот од инфлацијата, Димитриеска-Кочоска кажа дека државата на краток рок може да ги замрзнува цените или маржите, но, како што додаде, потребни се поголеми реформи во областа на производство на храна, како и во начинот на субвенционирање на земјоделството.
Главниот проблем таа го лоцира во растот на цените на зеленчукот и овошјето , што дел се должи на временските прилики, а дел и на недоволното производство што го имаме како држава на овие производи.
Владата, додаде таа, подготвува одредени мерки и најави дека наскоро ќе излезе со конкренти предлози, но, како што рече, повторно станува збор за краткорочни решенија. Во таа насока, таа повтори дека на државата ѝ треба решение кое што би било подолгорочно.