Арагчи во интервју за американската телевизија Фокс њуз изјави дека секој евентуален договор што би се постигнал околу иранската нуклеарна програма мора да го вклучува и правото на земјата да работи на збогатување ураниум
Шефот на иранската дипломатија Абас Арагчи вели дека Техеран нема да се откаже од својата нуклеарна програма, вкучително и збогатувањето на ураниум и покрај големите штети што ги претрпеа главните простројки за оваа намена во американските бомбардирања минатиот месец.

Арагчи ова го кажа во интервју за американската телевизина Фокс њуз, наведувајќи дека збогатувањето уранум засега е запрено бидејќи штетите на локациите кои беа цел на американските напади, како што вели, се сериозни.
„Но, секако, не можеме да се откажеме од збогатувањето, бидејќи тоа е достигнување на нашите научници“,
рече тој, додавајќи дека овој проект е национална гордост за Иран.
Според неговите зборови, секој евентуален договор што би се постигнал околу иранската нуклеарна програма мора да го вклучува и правото на земјата да работи на збогатување ураниум.
На прашањето дали збогатениот ураниум бил складиран некаде по нападот, Арагчи избегна да одговори директно, велејќи дека нема детални информации, но во таа насока наведе дека Организацијата за атомска енергија на Иран се обидува да направи проценки за тоа што точно се случило со збогатениот материјал.
За потсетување, војската на САД на 22 јуни бомбардираше три нуклеарни објекти во Иран каде, според извештаите била сконцентрирана иранската програма за збогатување ураниум. Операцијата на САД беше изведен додека сè уште беше во тек воената офанзива на Израел врз Иран, која траеше 12 дена.
Цел на американските напади беше и големиот центар за збогатување на ураниум, Фордоу, кој се наоѓа јужно од Техеран.
Американскиот претседател Доналд Трамп постојано повторува дека нападите биле успешни и дека сите три ирански објекти се целосно уништени, но според други извештаи можно е, сепак, тоа да не е случај, односно програмата само да забавена, но не и уништена.
Интервјуто на Арагчи и неговите коментари доаѓаат во период кога се очекува Техеран да оджри нови разговори за својата нуклеарна програма со Германија, Франција и Велика Британија. Разговорите се закажани за в петок во Истанбул.
Во однос на преговорите со САД, Арагчи рече дека Иран е отворен за разгвори, но не и за директни во овој момент.
Тој изјави дека Техеран е подготвен да преземе каква било акција за градење доверба за да докаже дека неговата нуклеарна програма е за мирни цели во замена за укинување на санкциите на САД.
Истовремно, иранскиот министер за надворешни работи потврди дека неговата земја ќе продолжи да работи на својата ракетна програма, односно дека развива и произведува нови вакви системи.
И покрај значителниот број ракети истрелани кон Израел за време на 12-дневниот конфликт, Арагчи тврди дека Иран сè уште има одредено количество на ракети за одбрана.