Градоначалникот на Одеса, Генадиј Труханов, изјави дека најмалку 20 беспилотни летала биле забележани над градот, кој е честа цел на руските напади, а кои особено се засилени во изминатите неколку недели врз повеќе региони во Украина, вклучително и главниот град на земјата, Киев
Руските сили ноќеска извршиле масовен напад со беспилотни летала врз украинското црноморско пристаниште Одеса предизвикувајќи пожар на најмалку една повеќекатница, јави Ројтерс повикувајќи се на локалните власти.
Градоначалникот на Одеса, Генадиј Труханов, изјавил дека во нападот е убиено едно лице, додавајќи дека сè уште се прибираат информации за бројот на повредени.
„Сите служби за итни случаи работат со засилени капацитети“,
напишал тој на апликацијата за пораки Телеграм.
Труханов претходно изјавил дека најмалку 20 беспилотни летала биле забележани над градот, кој е честа цел на руските напади кои особено се засилени во изминатите неколку недели врз повеќе региони во Украина, вклучително и главниот град Киев.
Фотографии објавени на социјалните мрежи покажуваат како од пожар е зафатен кров на една зграда, а многубројни екипи на службите за итни случаи се обидуваат да дојдат до жариштето.
Според извештаите, на местото биле забележани родители како ги носат своите деца на безбедно замотани во ќебиња.
Инаку, вчера австралиската влада соопшти дека ќе испорача тенкови од типот M1A1 „абрамс“ (Abrams) на Украина како дел од пакетот од 245 милиони австралиски долари (160 милиони американски долари) за да ѝ помогне на земјата да се одбрани од Русија.
Австралија, како што потсетува ХРТ, е една од најголемите земји која не е членки на НАТО, но обезбедуваат помош, муниција и одбранбена опрема за Украина откако земјата беше нападната од Русија во февруари 2022 година.
Украина веќе ги доби повеќето од 49 тенкови обезбедени од Австралија, а останатите ќе бидат испорачани во наредните месеци, изјави министерот за одбрана на Австралија, Ричард Марлес.
Австралија, исто така, забрани извоз на алуминиум и алуминиумски руди, вклучително и боксит, во Русија и воведе санкции за околу 1 000 руски поединци и фирми
Левичарската лабуристичка влада на Австралија оваа година ја означи Русија како агресор во конфликтот и повика на решавање на војната според условите на Киев.