Меѓу жртвите има и три деца кои загинале во украинскиот регион Житомир
Голем воздушен напад на повеќе региони во Украина спроведе Русија во текот на ноќта користејќи ракетни и беспилотни летала, што предизвика човечки жртви и значителна материјална штета. Според извештаите, во нападите загинаа најмалку 13 луѓе, а повеќе од 50 беа повредени. Меѓу жртвите има и три деца кои загинале во украинскиот регион Житомир.
„Тешко неделно утро во Украина по бессона ноќ. Најмасовниот руски воздушен напад во последните неколку недели траеше цела ноќ“,
напиша украинскиот министер за надворешни работи Андриј Сибиха на платформата Икс.
Во Киев и околните области беа оштетени станбени згради и инфраструктура, додека во региони како Житомир, Хмелницки и Суми беа предизвикани пожари и прекини на електричната енергија.
Украинскиот претседател Володимир Зеленски соопшти дека припадниците на службите за итни случаи расчистуваат и помагаат на терен во повеќе од 30 украински града и села по масовниот руски напад.
Today, rescuers have been working in more than 30 Ukrainian cities and villages following Russia’s massive strike. Wherever necessary, work continues – our emergency services are on the ground, providing assistance and supporting people. Thank you.
— Volodymyr Zelenskyy / Володимир Зеленський (@ZelenskyyUa) May 25, 2025
Nearly 300 attack drones were… pic.twitter.com/Mxx1a34kS2
Претходно и руското Министерство за одбрана соопшти дека противвоздушната одбрана пресретнала и уништила околу сто украински беспилотни летала, од кои некои биле насочени кон Москва.
Новите руски напади се извршени неколку часа пред завршната фаза за размена на заробеници. Последната фаза од размената е планирана за денеска, при што треба да бидат разменети вкупно илјада заробеници.