Еврокомесарката за здравство Стела Кириакидис е против издавање сертификати за имунитет и тврди дека сè уште не се доволно јасни доказите за имунитет по инфекција со коронавирус
Земјите од ЕУ мора да работат заедно при воведување апликација за следење на контактите на заразени од коронавирус, за граѓаните да може да ги користат во целата Унија, изјави еврокомесарката за здравство Стела Кириакидис, со оглед на процесот на отворање на границите и пред стартот на туристичката сезона.
„Треба да обезбедиме брзо и ефикасно прекугранично следење на контакти, што, исто така, бара тесна координација. Интероперабилноста е клучна затоа што им овозможува на граѓаните да бидат предупредени за можна инфекција каде и да се во ЕУ и преку која било апликација што ја користат“,
рече Кириакидес на видеоконференцијата со министрите за здравство на ЕУ
Сите апликации мора да бидат безбедни, анонимни и доброволни, истакна Кириакидес. Таа се спротивстави на предлозите за издавање сертификати за имунитет и тврди дека доказите за имунитет по инфекција со коронавирус сè уште не се доволно јасни.
Наместо тоа, членките на ЕУ треба да продолжат да инсистираат на мерки за спречување на инфекција, како на пример одржување физичко растојание, рече Киријакидес.