Трската е запалена од околното стрниште, но според пожарникарите, нема опасност да се прошири кон населените места кои се наоѓаат на поголема оддалеченост
Пожар вечерва е видлив од делови од Битола, гори големо стрниште, а пожарникарските екипи се на терен, информираат од Центарот на Центарот за управување со кризи (ЦУК).
Пожарот е предизвикан од запалено стрниште кај Црна река, а се пренел и на трската и останатата вегетација.
„По течението на реката Црна во атарот на пелагониските села Брод-Гнеотино гори трска висока и до три метри“,
изјави за МИА, Горан Димковски, командир на Територијалната противпожарна единица Битола.
Според него, трската е запалена од околното стрниште, но дека нема опасност да се прошири кон населените места кои се наоѓаат на поголема оддалеченост.
Пожарот ее видлив од општините Битола и Новаци.