„Од она што го видовме, повреден е возачот на моторот, кој веднаш е пренесен во амбулантно возило“, велат очевидците на несреќата
Сообраќајна несреќа се случи вечерва околу 19 часот на улицата „Ацо Шопов“ во скопската населба Влае, во близина на бензинската станица „Лукоил“.
Затворени се околните улици што одат кон потегот на улицата каде што се случи сообраќајката.
Од фотографиите испратени до редакцијата на „360 степени“, се гледа дека учесници во сообраќајката се два автомобили и еден мотор.
Според очевидците, на местото на несреќата пристигнале екипи на Итната медицинска помош, како и полицијата.
„Од она што го видовме, повреден е возачот на моторот, кој веднаш е пренесен во амбулантно возило“,
велат очевидците на несреќата.
Ова се фотографиите од местото на сообраќајката во скопско Влае:
