Максималните температури ќе се искачат од 13 до 23 степени
Денеска нè очекува променливо облачно време со умерен до засилен ветер од јужен правец. Попладне и во текот на ноќта ќе има повремени врнежи од дожд кои на места ќе бидат поројни, над 15 литри на квадратен метар. Врнежите ќе бидат во форма на невреме, со грмежи и силен ветер со брзина и над 60 километри на час.
Минималните температури ќе се движат во интервал од 3 до 9 Целзиусови степени, додека максималните ќе се искачат од 13 до 23 степени.
Времето во Скопје ќе биде променливо облачно со умерен до засилен јужен ветер. Кон крајот на денот и во текот на ноќта ќе има повремени врнежи од дожд. Во делови од котлината врнежите ќе бидат поројни проследени со грмежи и силен ветер. Температурите ќе бидат во интервал од минимални 8 до максимални 23 степени.