Зборувајќи со Илон Маск кој му го подаде автомобилот, тој рече дека купува „тесла“ бидејќи е одличен производ и затоа што Маск „ја посветил својата животна енергија на ова“
Американскиот претседател Доналд Трамп купи автомобил „тесла“, модел С. Ова може да се заклучи од неговата објава на социјалната мрежа Трут сошал.
Имено, Трамп објави видео на кое се гледа како влегува во црвен автомобил „тесла“ пред Белата куќа.
„Ох, прекрасно е. Леле“,
вели Трамп додека влегува во автомобилот.
Зборувајќи со Илон Маск кој му го подаде автомобилот, тој рече дека купува „тесла“ бидејќи е одличен производ и затоа што Маск „ја посветил својата животна енергија на ова“.
„Мислам дека мала група луѓе се однесуваат многу лошо кон него, сакам да знаат дека не можете да казните некого затоа што е патриот, а тој е патриот“,
рече тој и додаде дека не знае за друга успешна компанија за нови автомобили во последните 30 години.
Трамп додаде дека лошата вест е оти не смее да вози.
„Лошата вест е што не смеам да возам затоа што долго време не сум возел автомобил. А сакам да возам автомобили. Ќе имам (автомобил) во Белата куќа и ќе дозволам персоналот да го користи. Не ми е дозволено да го возам, можете ли да верувате?“
рече американскиот претседател.
Trump: I’m not allowed to drive because I haven’t driven a car in a long time. I love to drive cars. But I’m going to have it at The White House and I’m going to let my staff use it. I’m not allowed to use it pic.twitter.com/75aKIJa6yR
— Acyn (@Acyn) March 11, 2025
Педавајќи му го автомобилот на Трамп, Маск рече дека „тесла“ ќе го удвои производството на возила во САД во следните две години, нагласувајќи дека оваа одлука е резултат на „одличните политики на претседателот Трамп и неговата администрација“.
„Како чин на верба во Америка, ‘тесла’ ќе го удвои своето производство на возила во САД во рок од две години“,
порача Маск.