„На местото на несреќата починале возачот Е.И. на патничкото возило и сопатникот К.С. (42) од Велика Британија. Другиот сопатник од патничкото возило М.К.Д.Ј од Индија е пренесен во Клиничката болница во Битола, со цел да му се укаже лекарска помош“, се вели во соопштението од полицијата
Две лица загинаа во сообраќајна несреќа што денеска на пладне се случи на магистралниот пат Битола-Прилеп, информираат од Секторот за внатрешни работи (СВР) Битола.
Сообраќајката се случила меѓу патничко возило „дачиа“ со скопски регистарски таблички, управувано од Е.И. (37) од Битола, и товарно возило „ивеко“ со битолски регистарски таблички, управувано од Б.К. (29) од селото Обршани, Општина Кривогаштани.
„На местото на несреќата починале возачот Е.И. на патничкото возило и сопатникот К.С. (42) од Велика Британија. Другиот сопатник од патничкото возило М.К.Д.Ј од Индија е пренесен во Клиничката болница во Битола, со цел да му се укаже лекарска помош“,
се вели во соопштението од полицијата.
Увид во присуство на јавен обвинител врши увидната екипа на СВР Битола.