Дека ЕУ ќе продолжи да работи со Украина за обезбедување целосен и траен мир порачаа и претседателката на Европската комисија, Урсула фон дер Лајен и претседателот на Европскиот совет, Антонио Кошта. Во идентична порака објавена на своите профили на Икс му порачаа на Зеленски дека не е сам
Денес стана јасно дека на слободниот свет му треба нов лидер – порача високата претставничка на Европската Унија (ЕУ) за надворешна политика и безбедност Каја Калас, во контекст на средбата на украинскиот претседател Володимир Зеленски и американскиот претседател Доналд Трамп.
„Украина е Европа! Стоиме на страната на Украина. Ќе ја засилиме нашата поддршка за Украина за да можат да продолжат да се борат против агресорот. Денес стана јасно дека на слободниот свет му треба нов лидер. Од нас, Европејците, зависи да го прифатиме овој предизвик“, пишува Калас во објава на Икс.
Ukraine is Europe!
— Kaja Kallas (@kajakallas) February 28, 2025
We stand by Ukraine.
We will step up our support to Ukraine so that they can continue to fight back the agressor.
Today, it became clear that the free world needs a new leader. It’s up to us, Europeans, to take this challenge.
Дека ЕУ ќе продолжи да работи со Украина за обезбедување целосен и траен мир порачаа и претседателката на Европската комисија, Урсула фон дер Лајен, и претседателот на Европскиот совет, Антонио Кошта. Во идентична порака објавена на своите профили на Икс, Фон дер Лајен и Кошта му порачаа на Зеленски дека не е сам.
„Вашето достоинство ѝ оддава почит на храброста на украинскиот народ. Бидете силни, храбри, бестрашни. Никогаш не сте сами, драг претседателе Зеленски. Ќе продолжиме да работиме со вас за праведен и траен мир“, напишаа Фон дер Лајен и Кошта на Икс.
Your dignity honors the bravery of the Ukrainian people.
— Ursula von der Leyen (@vonderleyen) February 28, 2025
Be strong, be brave, be fearless.
You are never alone, dear President @ZelenskyyUa.
We will continue working with you for a just and lasting peace.
Your dignity honors the bravery of the Ukrainian people.
— António Costa (@eucopresident) February 28, 2025
Be strong, be brave, be fearless. You are never alone, dear President @ZelenskyyUa.
We will continue working with you for a just and lasting peace.
Поддршка за украинскиот претседател претходно денеска испратија дел од европските лидери, кои му порачаа на Зеленски дека не е сам во борбата за слободна Украина.