За утре се најавува променливо облачно и студено време со повремени локални врнежи од снег, особено во северните делови од земјата
Облачно и студено време се најавува за денеска во прогнозата од Управата за хидрометеоролошки работи (УХМР). Во текот на денот на пониските места се очекува да има врнежи од дожд и од снег. На повисоките места врнежите ќе бидат само од снег.
Врнежите, според УХМР, ќе бидат пообилни во западните и крајните источни делови каде на планините ќе се зголеми постојната снежната покривка, а помала снежна покривка ќе се формира и во некои од пониските места. Во текот на денот ќе дува умерен до засилен јужен, а во текот на ноќта засилен северен ветер. Температурата наутро ќе биде од минус 5 до 3 Целзиусови степени, а во текот на денот од 1 до 7 степени.
Во Скопје, за денеска се најавува облачно и студено време со врнежи од дожд, а во повисоките делови од котлината врнежите ќе преминат во снег, особено попладне. Ќе дува умерен југоисточен, а во текот на ноќта повремено засилен северен ветер. Темпертурата ќе биде од минус 2 до 5 степени.
За утре синоптичарите најавуваат променливо облачно и студено време со повремени локални врнежи од снег, особено во северните делови. Ќе дува умерен до засилен ветер од северен правец. Температурата ќе биде од минус 6 до 6 степени.