Проблеми има и во функционирањето на апликациите за разменување пораки Месинџер и Вацап
Платформите на „Мета“, Фејсбук и Инстаграм, имаат прекин, се жалат корисници на овие социјални мрежи.
Речиси 100 000 корисници на веб-страницата „Даундетектор“ пријавиле проблеми со Фејсбук, додека повеќе од 60 000 од нив имаат проблеми со Инстаграм.
Прекинот започнал околу 12:50 часот по локално време.
Проблеми има и во функционирањето на апликациите за разменување пораки Месинџер и Вацап.
Повеќето извештаи за прекини доаѓаат од Соединетите Американски Држави, но и од целиот свет.
Компанијата „Мета“ на социјалната мрежа Икс потврди дека имаат технички проблем кој влијае на пристапот до нејзините апликации.
„Свесни сме дека техничкиот проблем влијае на способноста на некои корисници да пристапат до нашите апликации. Работиме да ги вратиме работите во нормала што е можно поскоро и се извинуваме за непријатностите“,
посочуваат од „Мета“.
We’re aware that a technical issue is impacting some users’ ability to access our apps. We’re working to get things back to normal as quickly as possible and apologize for any inconvenience.
— Meta (@Meta) December 11, 2024