Според информациите објавени од МВР, вчера околу 20 часот мажот бил повикан од друго лице да излезе пред вратата на својата куќа во Арачиново, по што било пукано кон него
Четириесет и двегодишен маж со иницијали Ќ.Д. е повреден и пренесен во Клиничкиот центар „Мајка Тереза“ во синоќешната престрелка во скопско Арачиново.
Според информациите објавени во полицискиот билтен, вчеравечер околу 20 часот мажот бил повикан од друго лице да излезе пред вратата на својата куќа во Арачиново, по што било пукано кон него.
Се здобил со повреди во десната нога, по што бил пренесен во скопскиот клинички центар „Мајка Тереза“.
„На местото на настанот биле пронајдени две чаури од огнено оружје“,
информираат од Министерството за внатрешни работи и додаваат оти се преземаат мерки за расчистување на случајот.