Сеул претходно предупреди дека Пјонгјанг планира да разнесе патишта. Тензиите на Корејскиот Полуостров се зголемија откако Северна Кореја ја обвини Јужна Кореја дека испраќа беспилотни летала над нејзиниот главен град Пјонгјанг
Северна Кореја разнесе делови од патот од својата страна на силно милитаризираната граница меѓу двете Кореи, соопшти началникот на Здружениот генералштаб на Јужна Кореја.
Околу пладне по локално време разнесени се делови од патот северно од воената демаркациска линија меѓу двете земји, соопшти Здружениот штаб. Јужнокорејската војска ги засили надзорот и подготвеноста да одговори, се додава.
Сеул претходно предупреди дека Пјонгјанг планира да разнесе патишта. Тензиите на Корејскиот Полуостров се зголемија откако Северна Кореја ја обвини Јужна Кореја дека испраќа беспилотни летала над нејзиниот главен град Пјонгјанг.
Северна Кореја: Дронови фрлаа непријателски летоци над Пјонгјанг
Северна Кореја во петокот соопшти дека беспилотни летала фрлиле голем број непријателски летоци врз Пјонгјанг, што го гледа како политичка и воена провокација што може да доведе до вооружен конфликт.
Портпаролот на Здружениот генералштаб на Јужна Кореја одби да каже дали јужнокорејската војска или цивили летале со наводните беспилотни летала во понеделникот.
Севернокорејскиот лидер Ким Џонг-ун се состана со претставници на одбраната и безбедноста во понеделникот за да разговара за одговор на сериозна непријателска провокација што го наруши суверенитетот на КНДР, објави севернокорејскиот државен медиум КЦНА.
Руското Министерство за надворешни работи во понеделникот ја обвини Јужна Кореја за зголемување на тензиите со соседната земја и повика на дипломатија за воспоставување мир и безбедност на Корејскиот Полуостров.
„Обезбедувањето долгорочен мир и стабилност во подрегионот е можно само преку политички и дипломатски средства засновани на неделива безбедност. Нема алтернатива освен ако агресијата не е вистинската цел на Јужна Кореја и нејзиниот поголем сојузник, САД“,
изјави портпаролката на руската дипломатија Марија Захарова.
Русија и Северна Кореја ги зајакнаа дипломатските и воените врски од почетокот на руската инвазија на Украина во 2022 година.
Во понеделникот Путин до Думата, долниот дом на рускиот парламент, достави текст за ратификација на договорот за стратегиско партнерство со Северна Кореја, пренесе новинската агенција Интерфакс. Во случај на вооружен напад на едната земја, другата треба да ѝ пружи воена помош, стои во текстот на договорот.