За наредните денови, од Управата за хидрометеоролошки работи најавуваат стабилно и релативно топло време за овој период од годината
Денеска времето во земјава ќе биде претежно сончево со мала до умерена локална облачност и со слаб ветер од променлив правец, информираат од Управата за хидрометеоролошки работи (УХМР).
Минималната температура се движи во интревал од три до 12 Целзиусови степени, а максималната дневна ќе достигне од 19 до 25 степени.
Во Скопје, според синоптичарите, се очекува слично време – сончево со мала до умерена облачност и претежно тивко. Минималната температура во главниот град ќе се спушти до седум степени, а максималната во текот на денот ќе достигне до 22 Целзиусови степени.
За наредните денови, од Управата за хидрометеоролошки работи најавуваат стабилно и релативно топло време за овој период од годината. Утрата ќе бидат посвежи, а средината на работната недела ќе има услови за појава на утринска магла.